| 明日香's profile粱祝‧下世傳奇PhotosBlogLists |  Tools  Help |
|
粱祝‧下世傳奇June 13 死得了，死不了......自從出院之後
身體一直不大好 精神力也不夠啊~~~~~ 誰可以給我一些mp跟hp??
原來不可以請假是好辛苦的
學生們考試 幹我什麼事﹗﹗﹗ 他們不會自己讀嗎？？為什麼非要我去不可 自己考試了還在嘻哈 我辛苦得要死啦~~~ 薪水還要超級無敵~~~~~~~~~~~~~~~~~~~~~~~~~~~~~~~~的少 之後還要帶活動
給我加薪吧!!! 否則我幹掉你的頭>,< (說說罷了......=.=) 所以我要轉工 這次真的立下決心了 ^w^咪~~~~~~十卜十卜支持我吧 May 09 4子meeting星期日去咗飛飛4子各後援嘅聯合meeting
好好玩^^
原本去到旺地恆，因為我自己一個去，所以傻更更咁(啲人通常都兩個兩個咁嚟......)
好彩過咗一陣，有個大東人走過嚟
結果我哋就雞啄唔斷，一直傾呀傾呀，傾足一日。
當然個meeting仲有其他嘢玩啦!!又有問答比賽，又有抽獎......雖然我乜都冇
嗰日唯一一樣唔好嘅係啲嘢食同嘢飲出得超慢囉
我一度懷疑佢哋個廚房係响海王星
如果唔係有乜理由一個豬扒飽可以兩個鐘都整唔到出嚟丫??
不過算啦!!
另外我嚟緊嘅星期六就會接我個細仔--小咪返屋企
繼大仔--貴族仙遊咗咁耐之後，我終於接受第二個仔仔
希望佢可以快高長大啦!!!好緊張呀>//< April 20 4月19號---一隻手指嘅大東我痴咗喇!!我為咗我心愛嘅大東，終於痴咗線喇!!! 4月19號响TINEZ有活動可以見到大東，我一早10點就去到開始等。 我足足企足10個鐘，就係為咗想親眼見吓大東東 我本身已經企好前，不過到就開場嘅時候啲賤狗cam.man放曬啲機响我哋前面 仲要用腳架+梯，結果我哋全世界淨係睇啲賤人嘅背脊!!! 不過好彩我都算企得前，可以响啲空隙位置見到啲啲咁多啦 雖然好迫，不過我可以親眼見到大東，佢真係好~~~~~可愛+超靚仔啊~~~ 外加小吉尊同亦儒，總算ok啦(不過就見唔到小綸綸lu -3- 下次要全部近距離見曬4個!!!要侵佔台灣~~~~~ March 14 汪東東，我真的超喜歡你啊~~~~~~~講真，我真係廿幾年人，從來都未試過咁瘋狂!!!
之前都有鐘意下啲日本明星呀，歌手呀。當然，香港嘅就更加有啦(要支持本地音樂嘛!!)
但喺都唔會好似今次咁
我簡直就係成個人迷咗落去~~~~~~~@o@"
究竟係邊個咁有魅力呢??......就係台灣四人男子天團----飛輪海入面嘅汪東城(我無話其他嗰三個唔好呀!!)
如果佢哋早兩三年出道，我真係可以為咗同佢接近啲而去台灣讀書or做嘢
我甚至加入咗佢嘅後援會，買佢哋嘅寫真集，仲諗住儲定錢去台灣睇佢哋嘅演唱會......
每次見到汪東東嘅樣(不論係相呀﹑MV呀﹑劇集呀......etc.)
我都會心跳加速﹑面紅耳赤......完全係俾佢"LUM"死咗>3333333333<
總之一句:汪大東，我只對你有感覺呀!!!!!! 大東!!大東!!我愛你已經廿幾歲人，我做咗廿幾年人
一直以嚟都未試過咁......
我竟然去迷戀偶像!!!!!!
December 26 聖誕魔咒各位，Mreey Ｃhristmas
唔知由幾時開始，我就中咗聖誕魔咒......
乜嘢係聖誕魔咒?
就係唔知點解，我每年聖誕都會---喊。
唔係因為開心or感動而喊，而係因為唔開心而喊。
依個魔咒一路跟足我十幾年冇停過。
我仲以為Dogdog返咗嚟會好啲，結果個魔咒仲要提早出現
究竟我幾時先可以脫離依個聖誕魔咒呢......? December 07 鮑﹑參﹑翅﹑肚﹑大閘蟹由於我表姐今個星期六就會舉家移人澳洲，所以我Daddy嗰邊就一時齊出嚟食餐飯喇。
原本我一家四口去，點知我亞媽唔得閒，我亞爸唔舒服，結果就只得我同大佬一齊去。
本來諗住只係普普通通嘅晚飯，一埋位就見到每人一份刀叉......我仲問大佬:乜今日唔係食中餐咩?
佢講笑話:有鮑魚啩!!
點知俾佢講中咗......
嗰餐仲要出齊鮑﹑參﹑翅﹑肚，我同大佬立即"O"曬咀囉。
我同大佬都係因為亞爸亞絲冇嚟，坐咗佢哋個位先有得食咋!!
之前一直一直一直一直一直~~~~~~~~都好想食大閘蟹，經過我一直不斷嘅疲勞式精神轟炸後，
Dogdog終於肯買俾我食喇!!
我哋响CWB，CWB中心二期對面一間小店買。
佢好好0架，我哋買咗三隻大大隻大閘蟹，佢就送咗一大支醋﹑一大舊薑﹑一大包黃糖同一堆紫鬚葉。
仲教埋我哋點整。好好味啊~~~~~~ |
|
||||
|
|
